L’exposiziun extraordinaria 2024 el Museum Sursilvan Cuort Ligia Grischa a Trun ei dedicada al giubileum «600 onns Ligia Grischa».
Mussau vegn la sentupada dils delegai alla dieta annuala il di da Sogn Gieri 1698 ella Cuort Ligia Grischa. Nus dein in’egliada sin la veta ed il mintgadi dils carstgauns ed en las instituziuns politicas dalla Ligia Grischa. Nus mussein en in’exposiziun d’art contemporan co la colur grischa inspirescha artistas ed artists.

L’exposiziun cuozza dils 30 da mars tochen ils 30 d’october 2024.

Dapli informaziuns sin www.museum-trun.ch

Flyer

La musica da Trun ed Alexi e Marcus envidan ad ina fusiun da musica da stuors cun cant. Per quei concert extraordinari arranschescha Corsin Tuor entgins «classichers» dils cantauturs romontschs cun accumpignament da brass. Ultra da quei presenta la musica il toc «Legenda Romontscha» ch’ella suna medemamein alla Fiasta da musica cantunala 2024 a Claustra. Nus selegrein sin vossa viseta.

INTERPRETS: Societad da musica Trun, Alexi e Marcus

Datum /  Temps / Liug
20-4-2024, 20.00 uras
21-4-2024, 17.00 uras
Center communal, Trun

Dapli informaziuns: www.musicatrun.ch

Che la cultura da cant da chors ha ina gronda e ferma tradiziun en Surselva ei enconuschent. Quei fatg ha motivau il Chor cecilian da Trun d’organisar egl onn giubilar «600 onns Ligia Grischa» la 46. Fiasta da cant districtuala. Trun selegra da beneventar quei di 32 chors cun ca. 1000 cantaduras e cantadurs ed in grond pievel da fiasta.

Datum: 15-06-2024

Dapli informaziuns: www.trunconta.ch

L’ exposiziun digl artist Jules Spinatsch ei la contribuziun dalla Cularta per las festivitads da 600 onns Ligia Grischa fundada ils 16 da mars 1424 a Trun. Laax era separticipaus a quella ligia sco «ils libers da Laax».
Ils davos onns ha la valur dalla libertad survegniu in’autra, ina nova dinamica. Nus tuts vivin a moda semiautomatica, nus emprendin da duvrar il ChatGPT sco mied da lavur, maschinas ed apparats determineschan adina pli fetg nies mintgadi. Nus carstgauns partin nies temps e nossa libertad cun els. Quei che capeta en nus ei remarcabel: en nos siemis e nossa imaginaziun essan nus libers, mo ei quei propi aschia?
Jules Spinatsch, oriunds da Tavau, muossa ella Cularta in’exposiziun cun ina lavur da video ed ina installaziun gronda fotografica.

Curatori: Yvonne Gienal/Michael Hiltbrunner

29-06-2024 entochen 26-01-2025
gie, ve, so, du
13.30 – 17.00

Dapli infurmaziuns: www.cularta.ch

600 onns Ligia Grischa cul historiograf Adolf Collenberg

Venderdis, ils 16 da mars 2024 allas 19:00 en Sala Cristalla

Halla da sport e cultura Dulezi, Sedrun

Putnengia – casti e ruina

Guida cun Tarcisi Hendry sils fastitgs da Pieder de Putnengia in dils fundaturs dalla Ligia Grischa igl onn 1424.

Sonda, ils 24 d’uost 2024 allas 09.30

Suenter la renovaziun dalla caplutta da s. Onna ed il centenari da 500 onns Ligia Grischa 1924 ei il «Curtin digl ischi» daventaus in liug da commemoraziun per persunalitads meriteivlas per lungatg e cultura romontscha. El rom dallas festivitads «Sut igl ischi 2024 – 600 onns Ligia Grischa» vegnan sis ulteriuras persunalitads honoradas.

Datum: 15-09-2024